香港人在馬交

闊別xanga一年有多了, 真是滄海桑田 , 如今我已經起另一個地方重新開始舊的工作 , 從往年12月中開始至今都4個月了 , 一切看似順順利利 , 但計時炸彈終於開始運作 , 正面評價只維持了兩個月就完結了 , 還以為可以改變某人....哈! 我真係太天真了~ 

面對一d極端自我中心既人, 講道理似乎起唔到咩作用, 因為佢係唔會錯架!  要全世界就哂佢? 更加不可能! 點樣先可以協調到呢? 呢個問題真係好棘手! 

好多時都係當你感覺到痕癢先知道自己已經比隻蚊咬左一啖 ......

每個人都有一個/多個價值 , 但當人們睇到價值既同時又睇唔睇到犧牲呢......

       真係唔知點寫好了, 12月份真係太多野發生, 不過over all都係好既, 而最開心就係朗豪坊終於都吐氣揚眉吐氣了, 52萬呢個成績絕對係史無前例咁好, 而以一半係新人既情況下做出呢個數字就更加係難能可貴, 雖然呢個月真係做到金睛火眼, 但辛苦得黎亦賺取到合理既回報我多多都唔怕 !

       Jasmine的皇者之旅老實講真係唔太樂觀, 要起1月份做到19萬真係比起12月做25萬更難, 但為了朗豪坊既面子我一定會撐到底的 !

       久旱逢甘露.....成雙會更好?!

       咁樣算唔算升左職呢 ? 負責recruitment喎 ! 見工就工得多喇 , 負責In人都係第一次, 各位男同事可以放心了, 以後d豬排呀, 如花呀, 飛機場呀一定唔會再出現 , 我包你地以後都會好想返工, 直頭想到假都唔放添呀 ^_^" wakaka~~~~~

         唔知點解我同Jasmine好似相沖相剋咁，我一放假佢就爆數爆到砰砰聲，佢一放工我就即刻賣條大鏈連耳環，兩個一齊0係舖頭果陣就客都唔多個，真係邪 =.=

         妳覺得我針對妳嗎 ? 冇錯 ! 我的確係針對妳 , 不過我針對的是妳的問題 , 而唔係妳個人 , 若然妳覺得我鬧錯妳的話妳大可以向我解釋返點解妳要咁做，而不是駁咀駁舌；若妳認為阿Ca的selling好有問題請妳用數字來証明妳果套係好過佢，但暫時黎睇怕且妳還向阿Ca學習一下呢！  

        我唔係一個封建既人，我從來冇講過我果套一定係最好，好似Jasmine咁佢0係少林寺出黎，其實有好多野都好值得我去學習，我有錯妳們大可以指正我，我教的不中用妳大可以教精我點樣先係更好，但現在的妳還是虛心點吧！

        9日前Auther同我講有個新人俾我，男仔黎既, 上堂既時候都好多野問，應該唔錯咁話，仲要阿Li都話OK，點知原來係一個天大既笑話，內向唔係問題，同同事混熟了就自不然會多野講；冇技巧都唔係問題，可以教；天生冇咁聰明都唔緊要，最多用多些少時間；同性戀都唔緊要，最多我著多3條底褲再加多條孖煙囪，但俾一個有精神病既人我就真係唔知點教好了，真係完全溝通唔到......

        見工既時侯發現唔到佢有問題我唔怪佢地，可能時間太短或者當時佢食左藥冇發作，但兩日既training時間都發現唔到佢同其他人有唔同就真係有d奇怪了，其實佢返第三日工既時候我已經覺得佢唔係態度惡劣咁簡單，我從佢既小動作同埋自然反應已經覺得佢係有輕微既精神病，再經過以後既6日觀察我更加99%覺得佢係，而今日我同Auther再加埋佢開既一個三人會議上Jeremy終於都承認了自己係有少許精神問題，在這個間歇性出現火爆場面既午餐會上令我對Jeremy了解更加深，原來佢細個既時候曾經受到過性侵犯，唔知係唔係因為呢個原因而令到佢精神出現左問題，但同情歸同情，現實歸現實，我始終覺得唔應該再用佢，我地知道佢有問我地識得去諒解佢，但人客卻絕對不會，難度要同每個客人講解一次佢有什麼問題叫他們見怪不怪嗎？

       老實講換轉係我明知自己有這一種毛病就一定不會選擇一些要經常接觸陌生人既工作，以免增加病發既機會，嚇親人地，辛苦自己。